🫚 【唔夠薑｜隔籬飯香嘅薑仔】

Hello，我係唔夠薑，一條總覺得其他人比自己好，心心眼羨慕人嘅薑仔～

我會努力上進，但心入面總覺得唔夠人叻，唔夠好。有時見到其他人做得好，我會笑住恭喜，心入面卻質疑自己值唔值得被欣賞。

呢種心情，有時會令我唔敢講出真正嘅感受，驚人哋覺得我小氣、唔成熟。
但其實，我都好想有人了解我，知道我係因為在意，先會羨慕；知道我係想進步，先會焦急。

💬 如果你身邊都有一條「唔夠薑」，請你記得：
💛 我講出自己羨慕人哋嘅心情時，請唔好即刻否定我
💛 多啲肯定我嘅努力，而唔係只睇表現
💛 陪我探索比較與自我懷疑嘅心情
💛 當我話自己唔叻，請鼓勵我去睇下自己做得好嘅地方