情緒蔬菜小伙伴 - 情緒菜巿場 Emo Market

小薯 Oh-Potato

🥔 【小薯｜洩氣嘅小薯仔】<br><br>Hello，我係小薯，一粒表面好似撐得住，但其實好容易失望嘅細細粒薯仔～<br><br>我唔係冇努力，只係好多時努力完之後，好似冇乜人睇到。冇回應、冇鼓勵，經歷現實打擊，慢慢就會開始懷疑自己。<br><br>我有時會靜靜哋唔出聲，吞吞吐吐，講講吓又停咗。你可能會覺得我好似唔在狀態。但其實，我個腦入面可能已經打咗幾百場無聲嘅仗⋯⋯<br><br>💬 如果你身邊都有一粒「小薯」，請你記住：<br>🤎 唔好逼我即刻「正面啲」<br>🤎 主動認可我的努力和付出<br>🤎 陪我坐一陣，就已經好窩心<br>🤎 告訴我：你已經做得好好啦～

點蒜 Anxioli Garlic

🧄 【點蒜｜焦慮爆燈嘅蒜頭】<br><br>Hello，我係點蒜，一粒日夜擔心出錯嘅蒜頭🧄<br><br>每次開口講嘢前，我個腦已經 rehearse 咗十次；每次做完嘢，都會問人：「你覺得得唔得呀？」<br><br>但其實更多時候都係默默焦急，開唔到口。<br>因為我驚我講 / 做得唔夠好，驚你會誤會我，更驚你會覺得我太小題大做。<br><br>💬 如果你身邊都有一粒「點蒜」，請你記住：<br>🤍 肯定我嘅努力，而唔只係成果<br>🤍 畀多啲時間我整理思緒<br>🤍 少啲話我「咁小事都擔心」，畀多啲理解<br>🤍 提醒我：唔完美都值得被愛

櫻逃 Blushy Cherry

🍒 【櫻逃｜社交恐懼嘅櫻桃】<br><br>Hello，我係櫻逃，一粒容易緊張又怕講錯嘢嘅櫻桃～<br><br>你可能會見到我成日企喺後排、笑得靦腆，唔太出聲⋯其實我心入面好想同人相處，只係每次開口前都會諗：「我講呢句會唔會好奇怪？」<br><br>當你問我意見，我點頭或者輕輕「嗯」一下。呢啲都係我話：「我有聽你講，我想參與。」<br><br>我只係仲未學識大聲表達，但我其實一直都有回應你。<br><br>💬 如果你身邊都有一粒「櫻逃」，請你記住：<br>❤️ 畀我多啲時間 warm up<br>❤️ 唔逼我即刻答，等我慢慢開聲<br>❤️ 用眼神同微笑比我信心<br>❤️ 記住：你嘅接納先係我自信嘅起點

苦蔥 Sobby Onion

🧅 【苦蔥｜心事重重嘅紅洋蔥】<br><br>Hello，我係苦蔥，一個內心好多感受但唔識講出口嘅紅洋蔥～<br><br>你可能會見到我望住遠方發呆，又或者突然沉默。當我傷心時，好多情緒會一齊湧上嚟，好似心入面有個窿，唔知點樣填返好。<br><br>有時，我會選擇靜靜匿埋，唔想俾人見到自己脆弱嘅樣。其實我好想有人明白我，但有時連我自己都唔明⋯<br><br>💬 如果你身邊都有一條「苦蔥」，請你記住：<br>💜 用回憶做開場，輕輕打開佢心扉<br>💜 比空間同時間我整理情緒<br>💜 肯定我嘅努力同堅強嘅表現<br>💜 你安靜嘅陪伴已經好重要

蘿蔔神 Chee Carrot

🥕 【蘿蔔神｜笑面迎人嘅蘿蔔】<br><br>Hello，我係蘿蔔神，一條日日都想發光發熱、令大家開心嘅紅蘿蔔～<br><br>我鍾意同人相處，為大家帶嚟正能量，但有時太在意別人，反而會唔識照顧自己。<br><br>大家睇我咁開心，其實我都會唔開心㗎，只係唔講出口。我都好怕被忽略、或者俾人覺得「唔夠好」，有時仲會將「開心」變成責任⋯<br><br>💬 如果你身邊都有一條「蘿蔔神」，請你記得：<br><br>🧡 接納開心同唔開心的我<br>🧡 當我笑臉迎人時，其實都想有人關心同鼓勵<br>🧡 陪佢做一啲唔需要表現 / 逗人開心的活動<br>🧡 我唔想麻煩人，但其實好想有人問我：「你呢排點呀？」

毛事忙 Busy Beans

🫛 【毛事忙｜壓力山大嘅毛豆】<br><br>Hello，我係毛事忙，一條每日都要面對無限 to-do list 嘅完美主義毛豆～<br><br>我個腦長期開住十幾個分頁，一邊做嘢一邊諗下一步，仲驚做得唔夠好。左忙右忙，忙到頭昏腦脹，總係想做好晒所有嘢、幫到所有人，結果我嘅內心變得好攰，好壓抑⋯<br><br>有冇試過你同我講嘢，我聽完無反應？<br>好多時唔係扮聽唔到，而係個腦已經裝唔落其他嘢啦⋯<br><br>💬 如果你身邊都有一條「毛事忙」，請你記住：<br>💚 用簡單明確嘅方式溝通<br>💚 比多幾秒我反應<br>💚 用關心，而唔係責備<br>💚 提醒我：休息唔係偷懶，係補充能量

小火 Flamey the Fire

🔥 【小火｜溫柔熾熱嘅火焰】<br><br>Hello，我係小火，一團好想照亮人、但有時會燒親自己嘅火焰～<br><br>我天生就敏感，對人對事都好上心。當我關心你時，係真心，希望你感受到溫暖。但有時，我太着緊，反而變成壓力。<br><br>我努力去理解你，但我都想被理解。<br><br>💬 如果你身邊都有一團「小火」，請你記住：<br>❤️ 主動邀請我講吓「自己」的想法<br>❤️ 用實質行動回應我嘅關懷<br>❤️ 有時安靜的陪伴，就算唔講嘢都好窩心<br>❤️ 記得提醒我：你都值得被照顧

Yeah子 Go-gonut

🥥 【Yeah子｜衝動行動派的熱血椰子】<br><br>Hello！我係Yeah子，一個講做就做、唔想錯過任何機會嘅椰子～<br><br>我成日都有新主意、新計劃想即刻講出嚟！一出場就充滿活力，快人一步，行動為先係我嘅特色。<br><br>但有時我太high，會唔小心打斷對方、或者忽略細節⋯⋯<br><br>💬 如果你身邊都有一個「Yeah子」，請你記住：<br>🤍 我情緒高漲時，唔一定要即刻配合，幫我停一停先<br>🤍 接納我係用行動表達愛嘅人<br>🤍 用簡單直接嘅言語同我傾計，避免轉彎抹角<br>🤍 當我太急、太 pushy時，要適當劃界線

蕉積 King Peelington

🍌 【蕉積｜自信爆燈嘅香蕉】<br><br>Hello，我係蕉積，一條對自己有要求、有信心的香蕉～<br><br>我鍾意同人分享我嘅成果，因為每一步成功，對我嚟講都唔容易。背後都有好多努力、堅持，甚至自我懷疑。<br><br>但，有時我會太着緊⋯好想比人認同、好怕自己未夠好。<br><br>我唔敢停，唔敢鬆懈，因為我好驚，一鬆就會輸。<br><br>💬 如果你身邊都有一條「蕉積」，請你：<br><br>💛 肯定我嘅努力，而唔係只睇結果<br>💛 陪我做啲無生產力但快樂的事<br>💛 唔需要靠「表現好」先值得被喜歡<br>💛 當我太着緊時，請提醒我：「你已經做得好好啦！」

酸咪咪 Lemon Grumble

🍋【酸咪咪｜厭世嘅檸檬】<br><br>Hello，我係酸咪咪，一粒言語和表情都「mean爆」嘅檸檬🍋<br><br>我唔怕出聲，因為我真係好重視公平。當我覺得自己唔被尊重，內心會又酸又悶。<br><br>可能你覺得我成日皺眉、又講又鬧，好似成日喺度反對人咁。<br>但其實，我唔係單純想鬧人。我係好認真咁想同你溝通，只係我有啲嘢太重視，唔想扮冇感覺。<br><br>💬 如果你身邊都有一粒「酸咪咪」，請你記住：<br><br>💛 唔好話我「小題大做」，而係問我：「點解呢件事會你覺得唔舒服？」<br>💛 俾機會我選擇「用什麼方式堅持」<br>💛 提醒我要分開處理「事件」同「情緒」<br>💛 幫我表達清楚背後真正重視的價值

喃喃瓜 Oopsie Squashy

🎃 【喃喃瓜｜成日內疚嘅南瓜】<br><br>Hello，我係喃喃瓜，一個成日自責、容易內疚嘅南瓜～<br><br>我好怕自己講錯嘢、做錯事，唔想麻煩人、唔想令人失望，所以成日會話：「係我唔夠好，唔識教／唔識做⋯」<br><br>有時我會收埋太多情緒，最後一下爆咗出嚟……<br>事後我就會反覆咁諗：「點解我要咁樣講？」<br>然後又會好唔開心，覺得自己真係好差。<br><br>💬 如果你身邊都有一個「喃喃瓜」，請你記住：<br>🧡 試下聆聽，而唔係即刻安慰<br>🧡 比空間我表達後悔，而唔係逼我冷靜<br>🧡 提醒我：做錯唔代表我唔值得被愛<br>🧡 一句「我明白你嘅感受」，比任何建議更有用

火爆 Spicealot Chili

🌶️ 【火爆｜容易燥底嘅辣椒仔】<br><br>Hello，我係火爆，一條講嘢好直接、有啲易燥底嘅辣椒仔～<br><br>我講嘢直腸直肚，唔識轉彎抹角。當我感覺到唔公平、唔被尊重或者被誤解時，我嘅情緒會好快升溫，好似全身著晒火咁爆發出嚟！<br><br>但其實情緒嚟得快，唔代表我唔識反省。只係當下，我希望你可以聽到我心底最真嘅感受⋯⋯<br><br>💬 如果你身邊都有一條「火爆」，請你記住：<br>❤️ 先認可我嘅情緒，唔好即刻反擊<br>❤️ 陪我練習將怒氣轉化成言語<br>❤️ 俾一個「安全區」我去抒發情緒<br>❤️ 告訴我：憤怒的出現是有堅持、有底線、有愛的證明

橙慘豬 Gloomy Orange

🍊 【橙慘豬｜敏感脆弱嘅橙】<br><br>Hello，我係橙慘豬，一粒內心好敏感、又好在意人點睇我嘅橙～<br><br>我可能唔係成日笑住同你講嘢。有時，我嘅語氣會有啲細細聲，眼神有啲閃避；又有時，我會好委屈，好想解釋自己，但又怕講咗會被誤會。最後收收埋埋，心變得酸酸的⋯⋯<br><br>💬 如果你身邊都有一粒「橙慘豬」，請你記住：<br>🧡 多啲肯定，少啲批評<br>🧡 比我感覺你係真心在意我感受<br>🧡 唔好將我嘅難過貶低為小題大做<br>🧡 輕輕一句：「我喺度」，已經好足夠

唔夠薑 Gingerella

🫚 【唔夠薑｜隔籬飯香嘅薑仔】<br><br>Hello，我係唔夠薑，一條總覺得其他人比自己好，心心眼羨慕人嘅薑仔～<br><br>我會努力上進，但心入面總覺得唔夠人叻，唔夠好。有時見到其他人做得好，我會笑住恭喜，心入面卻質疑自己值唔值得被欣賞。<br><br>呢種心情，有時會令我唔敢講出真正嘅感受，驚人哋覺得我小氣、唔成熟。<br>但其實，我都好想有人了解我，知道我係因為在意，先會羨慕；知道我係想進步，先會焦急。<br><br>💬 如果你身邊都有一條「唔夠薑」，請你記得：<br>💛 我講出自己羨慕人哋嘅心情時，請唔好即刻否定我<br>💛 多啲肯定我嘅努力，而唔係只睇表現<br>💛 陪我探索比較與自我懷疑嘅心情<br>💛 當我話自己唔叻，請鼓勵我去睇下自己做得好嘅地方

笑茄茄 Eggie McPlant

🍆 【笑茄茄｜樂觀幽默的茄子】<br><br>Hello，我係笑茄茄，一條成日掛住笑嘅茄子～<br><br>我成日話：「冇事啦，開心啲啦～」，因為我真心希望大家唔好唔開心。<br>但有時，其實我自己都會唔知點處理自己情緒，只想快快skip咗嗰啲唔開心⋯<br><br>💬 如果你身邊都有一條「笑茄茄」，請你記住：<br>💜 「講笑」係我表達自己感受的方法<br>💜 當我講嘢太快或者過咗火，請你提醒我<br>💜 畀我一個空間慢慢講出真正感受<br>💜 你陪我一齊沉澱，比開心更有力量

白日夢 Dreamy Daikon

🥕 【白日夢｜神遊太虛嘅白蘿蔔】<br><br>Hello，我係白日夢，一條好容易沉浸幻想世界嘅白蘿蔔～<br><br>日復日過一樣嘅生活，腦袋總會飄走。明明人喺度，但個心早就飛咗去另一個宇宙。有時你叫我三次都冇反應，其實唔係專登唔理你，只係我喺度幻想緊啲無聊中嘅趣味⋯<br><br>💬 如果你身邊都有一條「白日夢」，請你記住：<br>🤍 唔好責怪我心散，試下了解下我諗緊咩<br>🤍 幫我搵返生活入面嘅小趣味<br>🤍 用問題吸引我返嚟現實世界<br>🤍 畀我一啲新刺激，幫我重新充電

紅綠燈 Temper Pepper

🫑 【紅綠燈｜情緒化嘅三色椒】<br><br>Hello，我係紅綠燈，感情特別豐富、成日內心大起大落嘅三色椒～<br><br>我嘅情緒好似交通燈，一時紅燈煞停、一時綠燈衝出，一時又黃燈猶豫⋯ 成日俾人覺得反應太大、太快、太難搞。但其實呢啲變化背後，都有好多複雜嘅感受。<br><br>當我哋情緒嚟到，唔係想表現得戲劇化，而係真心希望有人留意到我哋內心嘅需要。<br><br>💬 如果你身邊都有一粒「三色椒」，請你記住：<br>🚦 唔好只睇我表面情緒，試下聽聽背後嘅感受<br>🚦 畀啲空間我努力緩衝<br>🚦 幫我將情緒分段處理，我會好感激<br>🚦 雖然我情緒反應快，但冷靜後好願意修補<br><br>🔴🟡🟢 溫馨提示 🔴🟡🟢<br>「紅綠燈」為特別版角色，不設 NFC 功能

新奇事 Kiwi Kaleido

🥝 【新奇事｜對世界充滿好奇嘅奇異果】<br><br>Hello，我係新奇事，一個咩都想試嘅奇異果～<br><br>我對所有嘢都充滿好奇：點解會落雨？點解螞蟻會排隊？點解大人咁鍾意講「大個就明」？<br><br>世界咁大，邊有理由淨係做一樣嘢？我日日都想試新玩意，學新知識！<br>但有時，太多刺激會令我難以集中，會忽略身邊人嘅感受，或者唔知道危險將至⋯<br><br>💬 如果你身邊都有一粒「新奇事」，請你記住：<br>💚 陪我探索世界，同時幫我建立界線<br>💚 提醒我唔係所有「有趣事」都要即刻做<br>💚 當佢太興奮而停唔到時，溫柔地拉返佢落地<br>💚 告訴佢：你嘅好奇心係一份寶藏

驚青 Shivery Cuke

🥒 【驚青｜隨時嚇一跳嘅青瓜】<br><br>Hi，我係驚青，一條永遠都處於「有事發生」準備狀態嘅青瓜～<br><br>我成日都好警覺，好似隨時會有危險彈出嚟。有啲人會話我反應過大，但我真係控制唔到。心跳加速、手心出汗⋯有時講錯一句說話，我可以記一整晚。<br><br>你見到我成日張望、講嘢陰聲細氣、見到新嘢就退縮，只係我太擔心自己應付唔嚟⋯我個腦入面成日預演最差情況，想保護自己唔好受傷。<br><br>💬 如果你身邊都有一條「驚青」，請你記住：<br><br>💚 喺我做錯時，請用鼓勵代替批評<br>💚 避免突然高聲或突如其來接觸<br>💚 唔好話我大驚小怪，講句「我明你驚咩」已經好夠<br>💚 告訴佢：驚只係因為想保護自己，而非軟弱