你有無啲朋友，永遠都係最積極、最叻果個？成日都係活動領袖、唔肯輸、講到自己個目標充滿幹勁？但有時又覺得佢好似壓力山大、唔肯示弱？
佢可能就係蕉積 —— 一條外表自信、內心怕輸的香蕉。
🍌 他們其實內心會這樣說：
「我唔係想炫耀，只係我唔做得好，自己會過唔到自己。」
「如果我停低，係咪就會被拋低？」
「我唔係唔想休息，我係唔敢比自己鬆懈。」
💡 你可以這樣陪伴蕉積朋友：
1️⃣ 欣賞佢「真實的人」，唔止係「做得幾好」
「你肯幫人、講笑、陪我喺度，已經好寶貴啦～唔洗次次都要做 No.1。」
✅ 讓佢知道，佢唔係靠「表現」先值得被喜歡。
2️⃣ 當佢壓力爆煲時，唔洗急住解決，先聽
「你最近好似攰晒，有無人問過你，其實你想唔想放慢步伐？」
✅ 蕉積人好多時只係無人畀空間佢「唔堅強」。
3️⃣ 陪佢做啲無生產力但快樂的事
「不如我哋一齊去hea下？睇套戲、行個海邊唔用腦嘅。」
✅ 佢唔係唔想放鬆，只係唔識點樣比自己放鬆。
4️⃣ 真心話時間唔需要完美
「我唔介意你有唔開心，你唔洗成日咩都好叻先至同我講。」
✅ 朋友唔係比賽對手，而係情緒上可以同你並肩的人。
💛 小火語錄：
「蕉積朋友表面係發光發亮，內心好多時都係努力撐住唔跌落嚟。」
「你肯做佢一個『唔洗交功課』的朋友，對佢嚟講已經係最大安慰。」