你身邊有無啲長輩，做人做事總係一絲不苟？成日都話「做人唔可以鬆懈」「點可以唔堅強」「我後生嗰陣…」？
佢可能就係蕉積 —— 一個外表堅毅、自我要求極高的角色，甚至年紀愈大，愈唔願示弱。
🍌 他們其實內心可能會這樣說：
「我唔努力，點叫做榜樣？」
「要係屋企頂得住，先唔會拖累人。」
「講自己辛苦有咩用？冇人明。」
💡 你可以這樣理解和陪伴蕉積長輩：
1️⃣ 讓佢知道：佢唔係「有用先值得被愛」
「你唔需要樣樣幫晒我先算照顧我，你喺度就已經好重要啦。」
✅ 比起功能，更重要係情感陪伴。
2️⃣ 當佢講「我無事」時，你可以溫柔拆解
「你成日都扮無事，我都會擔心你頂得咁辛苦。可唔可以今次講真話俾我知？」
✅ 有時一句真誠關心，會撬開佢唔敢表露的脆弱。
3️⃣ 尊重佢自豪之餘，也邀請佢放鬆
「你真係好叻，但有時叻都可以休息。唔如今次由我嚟比你輕鬆下？」
✅ 知道佢係為你好，但唔代表佢唔需要別人為佢好。
4️⃣ 給予情緒出口，而唔止係理性對話
「有咩唔開心，可以話俾我知，唔洗諗住你講我會覺得你唔堅強。」
✅ 好多蕉積長輩唔講唔係唔想講，而係怕講咗會失去形象。
💛 小火語錄：
「堅強唔等於唔累，照顧人唔代表唔需要被照顧。」
「每個蕉積長輩，都需要一個願意靜靜聽佢講心事的你。」