有時，我心裡有好多感覺：
- 好開心但又怕表達太多會尷尬
- 有啲唔舒服但又唔想講出口，驚人哋會唔開心
- 想被理解，但又唔知講咩，講咗又怕後悔
我知道，唔講唔代表冇感覺。
所以，我開始學——用屬於我嘅方法，慢慢講低內心想法。
1. 用「我感覺到…」開頭，而唔係「你點解…」
我會試下咁講：
「我感覺到啱啱大家望住我嘅時候，我有啲緊張…」
「我其實有啲唔好意思，但我真係覺得嗰句說話有啲難受…」
💡呢種講法係分享感受，唔係指責對方，令人更易聽入耳，我又可以講出真感受。
2. 寫低先，再選擇講邊句
有時候口講唔出，我會先：
寫低心入面最想講嘅三句話
- 睇下邊句講出嚟我會舒服啲
- 如果真係唔想講，就send message都可以
- 💡書寫，唔代表逃避，而係準備自己講得更好、更舒服。
3. 試用比喻，講出我唔識
形容的情緒
例如：
「我而家嘅感覺，好似一顆漏哂氣但唔敢爆嘅紅色波波咁…」
「我唔係唔想講，只係腦入面好似塞住咗，唔知點樣開口。」
透過比喻能幫我講出情緒嘅狀態，唔一定準確，但可以俾其他人了解我內在嘅想法。
4. 表情、動作，都可以係溫柔表達
當我唔識講，我會：
點頭／微笑 → 表示我有共鳴
- 抿嘴／移開視線 → 表示我有小小介意
- 望住對方但無聲 → 表示我內心好多嘢想講，但唔識點樣開始
- 你了解同接納我嘅話，我就會更加放心繼續講多啲。
5. 預告式表達：俾自己空間，也俾其他人心理準備
我可以咁講：
「我有啲嘢想講，但可能會講得慢，唔知你介唔介意等我一下～」
「我唔係嬲，只係有啲卡住，但我想試下表達…」
呢啲開場白，會幫我騰出一個安全區，慢慢將內心嘅說話講出嚟。
🧡 小貼士：情感可以細細地、慢慢地咁講出嚟
你唔需要一次過講晒全部，只需要：
每次講一點點
- 每講完一次，就稱讚自己一句：「我做到了！」
- 唔需要完美，真誠分享就足夠
- 🍒櫻逃語錄：
「講得唔流利唔緊要，可以按自己節奏慢慢表達。」
「即使我只講一句，已經係我真心想接近你嘅開始。」
「表達唔係要被認同，而係讓自己唔再壓抑真實感受。」
如果你都係一位像我咁敏感、慢熱、容易尷尬嘅人，
請相信——你可以用你嘅方式講出你嘅心聲。
慢慢來，相信自己；唔洗擔心，總有人願意傾聽你嘅聲音同明白你㗎。🍒