如果小朋友係笑茄茄🍆… 我可以點樣陪佢健康表達、安心成長？
👀 你可能會見到呢啲行為：
- 成日都笑、講笑話，係班中「開心果」
- 面對批評時會扮冇事：「我唔理呀～哈哈～」
- 明明失落，講出嚟又變咗笑住講：「佢唔揀我啫～我成日都冇人揀架啦～」
- 有時你覺得佢好醒目，但又好似「冇乜情緒」咁
- 叫佢寫感受、講心事就好難出到聲：「我寫唔到呀～可唔可以畫個樣算？」
如果你見到一個小朋友咁樣，佢好可能係一個——笑茄茄型小朋友🍆。
🧠 佢哋點諗嘅？
笑茄茄小朋友通常：
- 好怕麻煩人，所以扮冇事
- 覺得自己嘅責任係「搞氣氛、令大家開心」
- 一講正經話題就會轉話題講笑
- 對人好，但唔識表達自己難過
- 講笑唔代表真係冇感覺，只係唔識點樣處理啲唔開心
✅ 我可以點樣陪佢？
1️⃣唔止回應佢講咗咩，更留意佢冇講嘅情緒
👦：「佢唔玩我，我咪自己玩囉～我幾叻！」（笑住）
🧑：「你講得幾有型呀～但你其實係咪都有啲唔開心？」
💡講笑＝想保護自己。你唔拆穿佢，只係溫柔講出背後感受，佢會慢慢願意打開。
2️⃣比佢一個「唔搞笑都得」的空間
你可以講：
「今次活動唔洗做搞氣氛果個，做你就可以。」
「如果你唔想講笑，可以講真心話，我會聽。」
💡佢會試探你係咪真係接得住一個「唔係講笑」的佢。
3️⃣用創意表達，代替一開始就要佢講心事
比佢畫畫／演戲／創作角色／砌故事：
「如果你係一隻小怪獸，你會有咩感覺？今個星期最鍾意邊樣？」
「你想畫一個今天嘅表情茄子嗎？開心瓜？爆炸瓜？隱形瓜？」
💡佢未必識講情緒字，但識用「搞笑方法」講出真感受。
4️⃣當佢講「冇事啦～」唔使逼佢講，可以比選擇：
「唔講都得，我哋可以一齊靜靜畫畫／聽音樂／睇下動畫，你準備好時再講我聽啦～」
💡對笑茄茄小朋友嚟講，知道「唔講都唔會比人離開」好重要。
5️⃣當佢講出真感受時，要溫柔但真心咁接住佢
唔使話：「你終於講啦！」
改講：
「多謝你講～你咁講我知道你信我。」
「你唔講笑咁講，我更欣賞你～我會記住你今日咁勇敢。」
💡令佢知道：講真話唔會比人笑，反而會比人珍惜。
🍆笑茄茄小朋友最想你知：
「我好叻令人笑，但我都想有人明白我笑完之後，其實都會攰。」
「我都會唔開心，只係唔知點講，你肯陪住，我就會試下講多句。」
💬 你可以對佢講：
「你開心嘅樣我鍾意，但你靜靜地／想喊／好無聊嘅樣我都會留低陪你。」
「你唔洗做氣氛王，你做自己就已經好好玩、好值得被愛。」